BiggBoss Surpirse: நேற்று ஏவிக்க்ஷன்னு ஷாக் கொடுத்துட்டு... இன்று சர்பிரைசாக இன்ப அதிர்ச்சி கொடுத்த பிக்பாஸ்!

பிக்பாஸ் நிகழ்ச்சி துவங்கி இன்றுடன் 75 நாட்கள் ஆவதை ஒட்டி, ஹவுஸ் மேட்சுக்கு இன்ப அதிர்ச்சி கொடுத்துள்ளார் பிக்பாஸ். இதுகுறித்த புரோமோ தற்போது வெளியாகியுள்ளது. 

பிக்பாஸ் சீசன் 7 நிகழ்ச்சி கடந்த அக்டோபர் மாதம் துவங்கிய நிலையில், சண்டை சச்சரவுகளை பஞ்சம் இல்லாமல் ஒளிபரப்பாகி வருகிறது. கடந்த 6 சீசன்களை விட, மிகவும் வித்தியாசமான முறையில் இரண்டு பிக்பாஸ் வீட்டுடன் துவங்கிய இந்த நிகழ்ச்சியில் சுவாரஸ்யத்தை கூட்டும், விதத்தில்... டாஸ்குகளும் அமைந்துள்ளன.

ஆனால் போட்டியாளர்கள் இந்த முறை, சண்டையை மட்டுமே பிரதானமாக வைத்து விளையாடி வருவதாக பிக்பாஸ் ரசிகர்கள் விமர்சித்து வந்தனர். மேலும் கமல்ஹாசன், கடந்த வாரம் சாப்பிடும் நேரத்தில் கூட வன்மம் கொட்டப்படுகிறது என போட்டியாளர்களை வெளுத்து வாங்கினார். எனவே இந்த வாரம்... சண்டையை குறைத்து கொண்டு போட்டியாளர்கள் கொஞ்சம் அமைதியாக விளையாடி வருவதை பார்க்க முடிகிறது.

நேற்றைய தினம், ஒவ்வொரு போட்டியாளரும் தங்களின் நடன திறமையை தீயாக வெளிப்படுத்தினர். அதே போல் யாரும் எதிர்பாராத விதமாக, மிட் வீக் ஏவிக்ஷன் என்கிற புதுமையான முறையை அறிமுகம் செய்து... இந்த வாரம் நாமினேஷன் பட்டியலில் இடம்பிடித்த ஒரு போட்டியாளரை பிக்பாஸ் வெளியேற்ற போவதாக அறிவித்தார். அதன்படி, முதல் வாரத்தில் வெளியேற்றப்பட்ட அனன்யா ராவ் மீண்டும் பாதிலேயே வெளியேறினார்.

இது மற்ற போட்டியாளர்களுக்கு மிகப்பெரிய அதிர்ச்சி என்றாலும், இன்றைய தினம் ஸ்வீட் சர்பிரைஸ் ஒன்றை கொடுத்துள்ளார். இதுகுறித்து வெளியாகியுள்ள முதல் புரோமோவில், பிக்பாஸ் நிகழ்ச்சி துவங்கப்பட்டு இன்றுடன் 75 நாட்கள் ஆவதை சிறப்பிக்கும் விதமாக பிக்பாஸ் ஹவுஸ் மேட்சுக்கு ஸ்வீட்ஸ் அனுப்பியுள்ளார். இதை தொடர்ந்து ஒவ்வொரு போட்டியாளரும் இந்த 75 நாட்கள் எப்படி இருந்தது என்றும் கூறுகிறார்கள். 

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.