JayamRavi: ஜெயம் ரவி - ஆர்த்தி ஜோடி விவாகரத்து? மாமியார் தான் காரணமா? பயில்வான் போட்டுடைத்த ரூ.25 கோடி மேட்டர்

ஜெயம் ரவி தன்னுடைய காதல் மனைவி ஆர்த்தியை விவாகரத்து செய்து பிரிய உள்ளதாக சர்ச்சை வெடித்துள்ள நிலையில், அதற்கான காரணத்தை பயில்வான் கூறி இருக்கிறார்.

Jayam Ravi

கோலிவுட்டில் முன்னணி நடிகராக வலம் வருபவர் ஜெயம் ரவி. அவர் நடிப்பில் கடந்த ஆண்டு வெளிவந்த பொன்னியின் செல்வன் படத்தின் வெற்றிக்கு பின்னர் ஜெயம் ரவியின் மார்க்கெட் ஜெட் வேகத்தில் உயர்ந்துவிட்டது. தற்போது அவர் கைவசம் அரை டஜன் படங்கள் உள்ளன. அந்த வகையில் பிரதர் என்கிற திரைப்படத்தில் நடித்து முடித்துள்ளார் ஜெயம் ரவி. இப்படத்தை சிவா மனசுல சக்தி, ஒரு கல் ஒரு கண்ணாடி போன்ற ஹிட் படங்களை இயக்கிய ராஜேஷ் இயக்கி உள்ளார்.

Jayam Ravi movies

இதுதவிர ஜெயம் ரவி கைவசம் உள்ள மற்றொரு திரைப்படம் ஜீனி. இப்படத்தை இயக்குனர் மிஷ்கினிடம் உதவி இயக்குனராக பணியாற்றிய புவனேஷ் அர்ஜுனன் இயக்கி வருகிறார். இப்படத்தில் ஜெயம் ரவிக்கு ஜோடியாக கல்யாணி பிரியதர்ஷன், கீர்த்தி ஷெட்டி, வாமிகா கப்பி ஆகியோர் நடிக்கின்றனர். வேல்ஸ் பிலிம்ஸ் நிறுவனம் இப்படத்தை தயாரிக்கிறது. ஏ.ஆர்.ரகுமான் இப்படத்திற்கு இசையமைக்கிறார். இதன் படப்பிடிப்பும் இறுதிக்கட்டத்தை எட்டி உள்ளது.

Jayam ravi movie Line Up

மேலும் உதயநிதி ஸ்டாலினின் மனைவி கிருத்திகா இயக்கத்தில் காதலிக்க நேரமில்லை என்கிற திரைப்படத்திலும் நடித்து முடித்திருக்கிறார் ஜெயம் ரவி. இப்படத்தில் அவருக்கு ஜோடியாக நித்யா மேனன் நடித்துள்ளார். ரோம் - காம் திரைப்படமான இதற்கு ஏ.ஆர்.ரகுமான் இசையமைத்துள்ளார். இப்படமும் விரைவில் ரிலீஸ் ஆக உள்ளது. இதுதவிர மோகன் ராஜா இயக்கத்தில் தனி ஒருவன் 2-வும் ஜெயம் ரவியின் லைன் அப்பில் உள்ளது.

Jayam Ravi and Aarti Ravi

இப்படி சினிமாவில் செம்ம பிசியான நடிகராக வலம் வரும் ஜெயம் ரவி, விரைவில் தன்னுடைய மனைவி ஆர்த்தியை விவாகரத்து செய்ய உள்ளதாக ஒரு தகவல் வெளியாகி கோலிவுட்டில் புயலை கிளப்பி உள்ளது. ஏற்கனவே கொளுந்துவிட்டு எரியும் நெருப்பில் எண்ணெய்யை ஊற்றும் விதமாக ஜெயம் ரவியின் மனைவி ஆர்த்தி, சமீபத்தில் தன்னுடைய இன்ஸ்டாகிராம் பக்கத்தில் இருந்து ஜெயம் ரவியுடன் ஜோடியாக இருக்கும் புகைப்படங்கள் அனைத்தையும் நீக்கி அதிர்ச்சி கொடுத்தார்.

இதையும் படியுங்கள்... இயக்குனர் கே.எஸ்.ரவிக்குமார் மகளா இது? அழகில் சினிமா நடிகைகளுக்கே டஃப் கொடுக்கும் ஜஸ்வதியின் க்யூட் போட்டோஸ்

Jayam Ravi wife aarti

இப்படி இவர்களது விவாகரத்து விவகாரம் புயலை கிளப்பி உள்ள நிலையில், அதுகுறித்து மேலும் ஒரு அதிர்ச்சிகரமான தகவலை வெளியிட்டுள்ளார் பயில்வான் ரங்கநாதன். அதன்படி ஜெயம் ரவி - ஆர்த்தி இடையே சண்டை ஏற்பட அவரது மாமியார் தான் காரணம் என பயில்வான் தெரிவித்துள்ளார். இதுகுறித்து அவர் கூறியதாவது : “ஜெயம் ரவி மாமியார் சுஜாதா மிகப்பெரிய பணக்காரர். கல்பனா ஹவுஸ் என்கிற பங்களாவின் ஓனரான சுஜாதா, தயாரிப்பாளராகவும் இருந்து வருகிறார்.

Bayilvan Ranganathan

ஆர்த்தியை திருமணம் செய்தபின்னர் வீட்டோடு மாப்பிள்ளை ஆனார் ஜெயம் ரவி. ஒருகட்டத்தில் அவரின் மார்க்கெட் சரியத் தொடங்கிய பின்னர் அவரை வைத்து படம் தயாரிக்க தொடங்கினார் அவரது மாமியார் சுஜாதா. அப்படி அவர் தயாரித்த படம் தான் சைரன். அது முதலுக்கு மோசமில்லாத படமாக அமைந்தது. இதையடுத்து பாண்டிராஜ் இயக்கத்தில் ஜெயம் ரவியை வைத்து படம் தயாரிக்க முடிவு செய்தார் சுஜாதா.

இப்படத்தில் நடிக்க ஜெயம் ரவி ரூ.25 கோடி சம்பளம் கேட்டிருக்கிறார். ஆனால் உங்களுக்கு மார்க்கெட் அவ்வளவு இல்லையே என அவரது மாமியார் கூற, ஜெயம் ரவி ரூ.25 கோடி வேண்டும் என விடாப்பிடியாக நின்றார். பின்னர் இயக்குனர் பாண்டிராஜை அழைத்து படத்தின் பட்ஜெட்டை குறைத்துக்கொள்ளுமாறு கூறி இருக்கிறார். அது செட் ஆகாது என தெரிந்ததும் பாண்டிராஜ் வாங்கிய அட்வான்ஸை திருப்பி கொடுத்துவிட்டு, அந்த கதையை விஜய் சேதுபதியிடம் சொல்லி ஓகே வாங்கிவிட்டார். இது ஜெயம் ரவிக்கு தெரியவர, இதற்கெல்லாம் மாமியார் தான் காரணம் என மனைவி ஆர்த்தி உடன் சண்டை போட்டு இருக்கிறார். அதுதான் தற்போது விவாகரத்தில் வந்து நிற்கிறது” என பயில்வான் தெரிவித்துள்ளார்.

இதையும் படியுங்கள்... அனிதா விஜயகுமார் திருமணத்தில் முறை மாமனாக சீர்செய்த சத்யராஜ்! கணவரோடு வந்த ஸ்ரீதேவி! வெட்டிங் போட்டோஸ்!