உங்கள் குழந்தையிடம் தொடர்ந்து கத்திக்கொண்டே இருக்கிறீர்களா? அதை தவிர்க்க உதவும் சில டிப்ஸ் இதோ..

உங்கள் குழந்தைகளை அடிக்கடி அல்லது தொடர்ந்து கத்திக்கொண்டும் திட்டிக்கொண்டும் இருக்கும் பெற்றோரா நீங்கள்? நீங்கள் மட்டும் இல்லை. பல பெற்றோர்கள் தங்கள் குழந்தைகளை திறம்பட நெறிப்படுத்த முயற்சிக்கும்போது இந்த தவறை செய்கின்றனர்.

ஆனால் தொடர்ந்து கத்துவது பெற்றோர்-குழந்தை உறவை சீர்குலைத்து, குழந்தையின் வளர்ச்சியில் நீண்டகால விளைவுகளை ஏற்படுத்தும். ஆனால் குழந்தைகளிடம் கத்தாமல் மிகவும் அமைதியான மற்றும் இணக்கமான வீட்டுச் சூழலை உருவாக்க சில டிப்ஸ் உள்ளன. இதுகுறித்து விரிவாக பார்க்கலாம்.

உங்கள் குழந்தை சொல்வதை கவனமாக கேட்பதே கத்துவதைக் குறைப்பதற்கான மிகச் சிறந்த வழிகளில் ஒன்று. பெரும்பாலும், பெற்றோர்கள் விரக்தியின் காரணமாக கத்துகின்றனர். ஆனால் உங்கள் குழந்தையின் கவலைகள், எண்ணங்கள் மற்றும் உணர்வுகளை காது கொடுத்து கேட்க நேரம் ஒதுக்குங்கள். உங்கள் குழந்தை பயப்படாமல் தங்களை வெளிப்படுத்த வசதியாக இருக்கும் ஒரு பாதுகாப்பான இடத்தை உருவாக்குங்கள். இதன் மூலம் வெளிப்படையான தொடர்பை ஊக்குவிக்கவும். குழந்தைகள் சொல்வதை நீங்கள் கேட்கும் போதும், அவர்களும் நீங்கள் சொல்வதை கேட்கவும் வாய்ப்புகள் அதிகம்.

உங்கள் குழந்தையின் வயது, மனோபாவம் மற்றும் வளர்ச்சி நிலை ஆகியவற்றுடன் ஒத்துப்போகும் யதார்த்தமான எதிர்பார்ப்புகளை அமைப்பது முக்கியம். ஒவ்வொரு குழந்தையும் தனித்துவமானது, ஒவ்வொரு குழந்தைக்கும் ஒவ்வொரு தனித்திறமை இருக்கும்.

எனவே கடினமான விதிகள் அல்லது எதிர்பார்ப்புகளைத் திணிப்பதைத் தவிர்க்கவும், உங்கள் குழந்தையின் தனிப்பட்ட தேவைகள் மற்றும் திறன்களுக்கு ஏற்ப உங்கள் அணுகுமுறையை வடிவமைக்கவும். குழந்தைகள் எளிதில் அடையக்கூடிய இலக்குகளை அமைப்பதன் மூலமும், உங்கள் பிள்ளையின் முயற்சிகளை அங்கீகரிப்பதன் மூலமும், நீங்கள் அவர்களின் நம்பிக்கையை வளர்த்து, கத்த வேண்டிய அவசியமின்றி நேர்மறையான நடத்தையை ஊக்குவிக்கலாம்.

பெரும்பாலும், பெற்றோர்கள் தங்கள் குழந்தையின் நடத்தையின் அடிப்படை உணர்ச்சிகளைக் கருத்தில் கொள்ளாமல் எதிர்வினையாற்றுகிறார்கள். நடத்தை மற்றும் அதன் பின்னணியில் உள்ள உணர்ச்சிகளை வேறுபடுத்துவது அவசியம். எதிர்மறையான நடத்தையில் மட்டும் கவனம் செலுத்தாமல், உங்கள் பிள்ளையின் செயல்களுக்கான மூல காரணத்தைக் கண்டறிய முயற்சிக்கவும். அவர்கள் விரக்தியாக, சோர்வாக உணர்கிறார்களா? அன்பு மற்றும் புரிதலுடன் அடிப்படை உணர்ச்சிகளைக் கையாள்வதன் மூலம், உங்கள் பிள்ளையின் உணர்வுகள் மற்றும் நடத்தைகளை மிகவும் திறம்பட கட்டுப்படுத்த உதவலாம்.

உங்கள் பிள்ளையின் நடத்தை காரணமாக அவர்களை நல்ல பிள்ளை அல்லது கெட்ட பிள்ளை என வகைப்படுத்துவதற்குப் பதிலாக, மிகவும் நுணுக்கமான அணுகுமுறையைப் பின்பற்ற முயற்சிக்கவும். அவர்கள் ஏதேனும் தவறு செய்தால் உடனடியாக கத்துவதற்கு பதிலாக, காலக்கெடு, நேர்மறையான வலுவூட்டல் அல்லது சிக்கலைத் தீர்க்கும் விவாதங்கள் போன்ற மாற்று நடவடிக்கைகளை செய்யலாம்.. தண்டனைக்குரிய நடவடிக்கைகளுக்குப் பதிலாக அவர்களுக்கு கற்றுக்கொடுப்பதில் கவனம் செலுத்துவதன் மூலமும், உங்கள் பிள்ளைக்கு ஆதரவான சூழலில் வளரவும் பெற்றோர்கள் உதவலாம்.