கர்ப்பிணிகள் குங்குமப்பூ சாப்பிடுவது உண்மையில் நல்லதா..?

 கர்ப்ப காலத்தில் குங்குமப்பூ சாப்பிடுவது உண்மையில் நல்லதா என்று இந்த பதிவில் பார்க்கலாம்.

கர்ப்பம் என்பது பெண்களின் வாழ்க்கையில் நிகழும் ஒரு முக்கியமான நிகழ்வு. இந்த நேரத்தில், பெண்கள் தங்கள் மீதும், வயிற்றில் இருக்கும் குழந்தை மீதும் முழு கவனம் செலுத்துவார்கள். மேலும், இதனுடன், குழந்தையின் தொடர்ச்சியான வளர்ச்சிக்கு தேவையான வைட்டமின்கள் மற்றும் தாதுக்கள் எடுக்கப்பட வேண்டும்.

அத்தகைய சூழ்நிலையில், கர்ப்பிணி பெண்கள் தங்கள் உணவில் பல மாற்றங்களைச் செய்ய வேண்டும். எனவே, பல பெண்கள் குழந்தையின் ஆரோக்கியத்திற்காக குங்குமப்பூ சாப்பிடுகிறார்கள். ஆனால், கர்ப்ப காலத்தில் குங்குமப்பூ சாப்பிடுவது உண்மையில் நல்லதா..? என்று இந்த பதிவில் பார்க்கலாம்.

சத்துக்கள் நிறைந்தது: குங்குமப்பூவில் மாங்கனீஸ், வைட்டமின் பி6, பொட்டாசியம் மற்றும் இரும்புச்சத்து உள்ளிட்ட அத்தியாவசிய ஊட்டச்சத்துக்கள் நிறைந்துள்ளது. இவை தாய் மற்றும் சேய்க்கு மிகவும் நல்லது.

மனநிலையை மேம்படுத்தும்: கர்ப்ப காலத்தில் பெரும்பாலான பெண்கள் மனநிலை மாற்றங்களையும் மன அழுத்தத்தையும் சந்திக்கிறார்கள்.
இந்த சமயத்தில், குங்குமப்பூவை எடுத்துக் கொண்டால், அதில் இருக்கும் சஃப்ரானல் மற்றும் குரோசின் போன்ற கலவைகள், மனநிலையை மேம்படுத்தும் மற்றும் பதட்டத்தின் அறிகுறிகளைக் குறைக்கும்.

செரிமானத்திற்கு உதவுகிறது: பொதுவாகவே, கர்ப்பிணிப் பெண்கள்  வயிற்று உப்புசம் மற்றும் மலச்சிக்கல் போன்ற செரிமான பிரச்சனைகளை சந்திக்கின்றனர். குங்குமப்பூ செரிமான பிரச்சினையை தீர்க்க உதவுகிறது. மேலும், வாயு மற்றும் அஜீரணம் போன்ற பிரச்சனைகளையும் குறைக்க பெரிதும் உதவுகிறது. 

இதையும் படிங்க:  குங்குமப் பூ நிறத்துக்கும் மட்டுமல்ல உடல் ஆரோக்கியத்திற்கு உதவும் மந்திர பூ!

இரத்த சோகை பிரச்சனைக்கு நல்லது: பெரும்பாலான, பெண்கள் கர்ப்ப காலத்தில் இரத்த சோகையால் அவதிப்படுகின்றனர். எனவே, குங்குமப்பூவை எடுத்துக் கொண்டால், இரத்தத்தில் ஹீமோகுளோபினை அதிகரிக்கும் மற்றும் இரத்த சோகையை குணப்படுத்தும்.

இதையும் படிங்க:   ஒளிரும் சருமத்தை பெற குங்குமப்பூவுடன் இந்த ஃபேஸ் பேக்கை ட்ரை பண்ணுங்க!

தூக்கத்தை ஊக்குவிக்கும்: கர்ப்ப காலத்தில், தினமும் இரவில் ஒரு கப் சூடான குங்குமப்பூ பால் குடித்து வந்தால், நல்ல தூக்கத்திற்கு வழிவகுக்கும்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.