ஒரேயடியாக 58 ரன்களுக்கு சரண்டரான உகாண்டா – ஆப்கான் அபார வெற்றி!

உகாண்டா அணிக்கு எதிரான டி20 உலகக் கோப்பை தொடரின் 5ஆவது போட்டியில் ஆப்கானிஸ்தான் 125 ரன்கள் வித்தியாசத்தில் வெற்றி பெற்றுள்ளது.

Afghanistan vs Uganda

ஆப்கானிஸ்தான் மற்றும் உகாண்டா அணிகளுக்கு இடையிலான டி20 உலகக் கோப்பை 2024 தொடரின் 5ஆவது போட்டி கயானாவில் நடைபெற்றது. இதில் டாஸ் வென்ற உகாண்டா அணி முதலில் பவுலிங் தேர்வு செய்தது. அதன்படி ஆப்கானிஸ்தான் பேட்டிங் செய்து 20 ஓவர்களில் 5 விக்கெட்டுகளை இழந்து 183 ரன்கள் குவித்தது.

ரஹ்மானுல்லா குர்பாஸ் மற்றும் இப்ராகிம் ஜத்ரன் இருவரும் தொடக்க வீரர்களாக களமிறங்கி அதிரடியாக விளையாடினர். முதல் விக்கெட்டிற்கு இந்த ஜோடி 154 ரன்கள் பார்ட்னர்ஷிப் கொடுத்தது. இப்ராகிம் ஜத்ரன் 70 ரன்களில் ஆட்டமிழக்க, குர்பாஸ் 76 ரன்களில் ஆட்டமிழந்தார். பின்வரிசை வீரர்கள் ஓரளவு ரன்கள் சேர்க்கவே ஆப்கானிஸ்தான் 20 ஓவர்களில் 5 விக்கெட்டுகளை இழந்து 183 ரன்கள் குவித்தது.

பவுலிங்கைப் பொறுத்த வரையில் காஸ்மாஸ் கியூட்டா, பிரையன் மசாபா ஆகியோர் தலா 2 விக்கெட்டுகள் கைப்பற்றினர். அல்பேஸ் ரம்ஜானி ஒரு விக்கெட் எடுத்தார். பின்னர் கடின இலக்கை துரத்திய உகாண்டா அணியில் ஒவ்வொருவரும் சொற்ப ரன்களில் ஆட்டமிழந்தனர். அந்த அணியில் அதிகபட்சமாக ராபின்சன் ஒபுயா 14 ரன்கள் மட்டும் எடுத்தார்.

Afghanistan

ரியாத் அலி ஷா 11 ரன்கள் எடுத்தார். பவுலிங்கைப் பொறுத்த வரையில் ஃபசல்ஹக் பரூக்கி 5 விக்கெட்டுகள் கைப்பற்றி சாதனை படைத்தார். அவர், 4 ஓவர்கள் வீசி 9 ரன்கள் கொடுத்து 5 விக்கெட்டுகள் கைப்பற்றியுள்ளார். நவீன் உல் ஹாக் 2 விக்கெட்டும், ரஷீத் கான் 2 விக்கெட்டும், முஜீப் உர் ரஹ்மான் ஒரு விக்கெட்டும் கைப்பற்றினர்.

Afghanistan vs Uganda

ஆப்கானிஸ்தான்:

ரஹ்மானுல்லா குர்பாஸ் (விக்கெட் கீப்பர்), இப்ராகிம் ஜத்ரன், குல்பதீன் நைப், அஸ்மதுல்லா உமர்சாய், முகமது நபி, நஜிபுல்லா ஜத்ரன், கரீம் ஜனத், ரஷீத் கான் (கேப்டன்), முஜீப் உர் ரஹ்மான், நவீன் உல் ஹக், ஃபசல்ஹக் ஃபரூக்கி.

உகாண்டா:

சைமன் செஸாசி (விக்கெட் கீப்பர்), ரோஜர் முகாஸா, ரோனக் படேல், ரியசத் அலி ஷா, தினேஷ் நக்ரானி, ராபின்சன் ஒபுயா, அல்பேஷ் ரம்ஜானி, பிரையன் மசாபா (கேப்டன்), பிலால் ஹாசன், ஹென்றி செனியோண்டா.