மீண்டும் மீண்டுமா? 4-வது திருமணத்தை கன்ஃபார்ம் செய்த வனிதா விஜயகுமார்? தீயாக பரவும் தகவல்..

அடுத்த திருமணம் எப்போது என்று கேள்வி எழுப்பிய ரசிகருக்கு வனிதா விஜயகுமார் பதிலளித்துள்ளார். இதன் மூல அவர் அடுத்த திருமணத்திற்கு தயாராகிறாரா என்ற கேள்வி எழுகிறது.

Vanitha vijayakumar

நெகட்டிவ் விமர்சனங்கள் மற்றும் சர்ச்சைகளின் மூலம் பிரபலமானவர்களில் நடிகை வனிதா விஜயகுமாரும் ஒருவர். தனது பெற்றோர் மற்றும் உடன் பிறந்தவர்களுடன் இருந்த கருத்து வேறுபாட்டை மீடியா முன்பு வந்து பேசியது தொடங்கி தனது திருமண வாழ்க்கை வரை பல சர்ச்சைகள் மூலம் பிரபலமானவர் வனிதா.

நட்சத்திர தம்பதிகளான விஜயகுமார் – மஞ்சுளா தம்பதிக்கு பிறந்த மூத்த மகள் தான் வனிதா. தளபதி விஜய்க்கு ஜோடியாக ‘சந்திரலேகா’ படத்தின் மூலம் கதாநாயகியாக அறிமுகமான வனிதா விஜயகுமார் அதன்பின்னர் சில படங்களில் நடித்தார். எனினும் எதிர்பார்த்த அளவுக்கு பட வாய்ப்புகள் கிடைக்காத நிலையில் 2000-ம் ஆண்டு நடிகர் ஆகாஷை திருமணம் செய்து செட்டில் ஆனார். ஆகாஷுக்கு பிறந்தவர்கள் தான் விஜய ஹரி, ஜோவிகா

ஆகாஷை விவாகரத்து செய்த அவர் ஆனந்த் என்ற தொழிலதிபரை மணந்தார். இவருக்கு பிறந்தவர் தான் ஜெயனிதா. எனினும் மகன் விஜய ஹரியை தந்தையுடன் இருக்க நீதிமன்றம் அனுமதித்தது. அதனால் அவர் வனிதாவை விட்டு விலகி தந்தையுடன் வளர்ந்து வருகிறார்.

அதேபோல் வனிதாவின் முதல் கணவருக்கு பிறந்த மகள் ஜோவிகா தற்போது வனிதாவுடன் வசித்து வருகிறார். இரண்டாவது கணவருக்கு பிறந்த மகள் ஜெயனிதா தனது தந்தையுடன் வசிக்கிறார், இதனிடையே பிக்பாஸ் சீசன் 3 நிகழ்ச்சியின் மூலம் மீண்டும் பிரபலமானார் வனிதா. பிக்பாஸ் நிகழ்ச்சிக்கு ஓயாமல் கண்டெண்ட் கொடுத்த வந்த வனிதாவுக்கு வத்திக்குச்சி வனிதா என்ற பெயரும் கிடைத்தது.

தனது 3-வது திருமணம் மூலம் மீண்டும் சர்ச்சையில் சிக்கினார் வனிதா. 2020-ம் ஆண்டு பீட்டர் பால் என்பவரை திருமணம் செய்து கொண்டார். ஆனால் அவருடன் ஏற்பட்ட மோதலால் அவரை விட்டு பிரிந்துவிட்டார். இதுதவிர சில காதல், சர்ச்சைகளில் சிக்கிய வனிதா, அதிலிருந்து மீண்டு... தற்போது திரையுலகில் முழு கவனம் செலுத்தி வருகிறார்.. மேலும் சமீபத்தில் நடந்து முடிந்த பிக்பாஸ் நிகழ்ச்சி குறித்து யூ டியூப் சேனல்களுக்கு விமர்சனம் செய்து வந்தார்.

இதனிடையே யூ டியூப் சேனல் ஒன்றை தொடங்கிய வனிதா அதில் வீடியோக்களை பதிவிட்டு வருகிறார். மேலும் துணிக்கடை ஒன்றையும் வனிதா விஜயகுமார் நடத்தி வருகிறார். சமூக வலைதளங்களில் ஆக்டிவாக இருக்கும் வனிதா அவ்வபோது தனது போட்டோக்கள் மற்றும் தனது மகளுடன் இருக்கும் போட்டோக்களை பதிவிட்டு வருகிறார்.

இந்த நிலையில் வனிதா விஜயகுமாரிடம் அடுத்த திருமணம் குறித்து ரசிகர் ஒருவர் கேள்வி எழுப்பி உள்ளார். அதற்கு பதிலளித்த வனிதா எதிர்பாராததை எதிர்பாருங்கள் என்று கூறியுள்ளார். இதன் மூலம் வனிதா 4-வது திருமணத்திற்கு ரெடியாகிவிட்டாரா என்று பலரும் கேள்வி எழுப்பி வருகின்றனர். மாப்பிள்ளை யாராக இருக்கும் என்றும் பலரும் கேள்வி எழுப்பி வருகின்றனர்.