Trisha: 'லியோ படத்தில் என்னை கொல்லாமல் இருந்ததற்கு நன்றி! திரிஷா பேச்சு!

'கில்லி' படத்தின் வெற்றிக்கு பின்னர் மீண்டும் தளபதி விஜய்க்கு ஜோடியாக, த்ரிஷா நடித்திருந்த லியோ திரைப்படம் கடந்த மாதம், அக்டோபர் 19-ஆம் தேதி வெளியான நிலையில், கலவையான விமர்சனங்களை பெற்றாலும், பல திரையரங்குகளில் வெற்றிகரமாக ஓடிக்கொண்டிருக்கிறது. இதுவரை சுமார் 550 கோடிக்கு மேல் வசூல் செய்துள்ள இந்த படத்தின் வெற்றிவிழா, தற்போது சென்னையில் உள்ள நேரு ஸ்டேடியத்தில் மிக பிரமாண்டமாக நடந்து வருகிறது.
 

லியோ வெற்றிவிழாவில் கலந்து கொண்ட நடிகை த்ரிஷா பேசுகையில், "லியோ வெற்றிக்கு காரணமான ரசிகர்கள் அனைவருக்கும் நன்றி. இயக்குனர் லோகேசுக்கு நன்றி. நிறைய இயக்குனர்களிடம் பணியாற்றி உள்ளேன், அப்படி நான் பணியாற்றியதால் சிறந்த இயக்குனர்களில் ஒருவர்  லோகேஷ். சத்யா போன்ற கதாபாத்திரத்தில் என்னை நடிக்கவைத்ததற்கு நன்றி.
 

குறிப்பாக படத்தில் என்னை கொல்லாமல் இருந்ததற்கு  நன்றி. மேலும் விஜயுடன் பணியாற்றியது, பள்ளி நண்பனை நீண்ட நாட்கள் கழித்து பார்த்ததை போல இருந்தது. அர்ஜூன், கவுதம் வாசுதேவன், உள்ளிட்டோருடன் பணியாற்றியது மகிழ்ச்சி. ரசிகர்கள் கடந்த 15 வருடங்களாக கேட்டு வந்தார்கள் எப்போது மீண்டும் விஜயுடன் நடிப்பீர்கள் என்று, இன்று அது நடந்துள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

அன்று பார்த்த விஜய் இன்றும் அதே போல தான் உள்ளார். எந்த மாற்றமும் இல்லை. விஜய் என்றுமே ஸ்பெஷல், லோகேஷ் என்னிடம் கதை சொன்ன போது நான் நடிப்பதாகவே எனக்கு தோன்றவில்லை. இரண்டு வருடம் முன் எப்படி கதை சொன்னாரோ அதை அப்படியே எடுத்துக்கொடுத்தார். லியோ-வில் அப்படி போடு போன்ற பாடல் இருக்குமா என கேட்டதற்கு எனக்கும் அந்த ஆசை உள்ளது என கூறிய நிலையில் அது நிறைவேறாமல் போனது வருத்தம் என்பது போல் தெரிவித்துள்ளார்.

படம் பண்ணலாமான்னு விஜய் கேட்டதும் பயம் தான் வந்தது! பிரச்சனையே இது தான்.. தயாரிப்பாளர் லலித் கூறிய உண்மை!