Vishal: மூஞ்சை மூடி கொண்டு ஓடியது யாருடன்.. காதலியா? வைரலாக வீடியோ பின்னணியை கூறிய நடிகர் விஷால்!

நடிகர் விஷால், பெண் ஒருவருடன் வெளிநாட்டில் கேமராவுக்கு பயந்து மூஞ்சை மறைத்து கொண்டு ஓடிய வீடியோ சமூக வலைத்தளத்தில் வைரலான நிலையில் இதுகுறித்து தற்போது விளக்கம் கொடுத்துள்ளார். 

Vishal Quit Smoking

நடிப்பு, நடிகர் சங்க பொதுச்செயலாளர், அரசியல் என கிடைத்த வாய்ப்புகளில் எல்லாம் கில்லியாக நினைப்பவர் விஷால். கடந்த சில வருடங்களாக இவர் நடிப்பில் வெளியான படங்கள் அடுத்தடுத்து மோசமான தோல்வியை தழுவிய நிலையில், இந்த ஆண்டு விஷால் நடித்த 'மார்க் ஆண்டனி' திரைப்படம் விஷாலின் சினிமா கேரியரை தூக்கி நிறுத்தியது. ரூ.100 கோடி வசூல் கிளப்பில் இணைத்து இந்த படத்தில் நடிகரும், இயக்குனருமான எஸ்.ஜே.சூர்யா முக்கிய கதாபாத்திரத்தில் நடித்திருந்தார்.

producer Vishal

போன் மூலம் டைம் ட்ராவல் செய்யும் டார்க் காமெடி படமாக இந்த படத்தை இயக்குனர் ஆதிக் ரவிச்சந்திரன் இயக்கி இருந்தார். 'மார்க் ஆன்டனி' படத்தில் நடித்து முடித்த கையேடு, இயக்குனர் ஹரி இயக்கத்தில் நடிக்கும்  'ரத்னம்' படத்தில் கவனம் செலுத்த துவங்கினார். ஏற்கனவே ஹரி இயக்கத்தில் விஷால் நடித்த, 'தாமிரபரணி' மற்றும் 'பூஜை' திரைப்படம் நல்ல வரவேற்பை பெற்றதால் இந்த படத்தின் மீதும் எதிர்பார்ப்பு எழுந்துள்ளது.

vishal

இந்நிலையில் விஷால், வெகேஷனுக்காக... நியூ யார்க் சென்றுள்ள நிலையில் அங்கு ஒரு பெண்ணுடன் விஷால் நடந்து செல்ல, யாரோ சிலர் அவரை கண்டிபிடித்து வீடியோ எடுப்பது போன்றும்... அதை நோட் செய்த பின்னர் விஷால் மூஞ்சை மறைத்து கொண்டு ஓடிய வீடியோ ஒன்று சமூக வலைதளத்தில் தீயாக பரவியது. 

ரசிகர்க பலர் இது உண்மையான விஷால் தானா? என சந்தேகமாக கேள்வி எழுப்பி வந்த நிலையில்... அந்த பெண் தான் விஷாலின் புதிய காதலியா? என்கிற கேள்விகளும் சமூக வலைத்தளத்தில் வட்டமிட்டன.

இந்நிலையில் இந்த வீடியோ குறித்து விஷால் தற்போது விளக்கம் கொடுத்துள்ளார். இந்த பதிவில் அவர் கூறியுள்ளதாவது, "மன்னிக்கவும் நண்பர்களே, சமீபத்திய வீடியோவைப் பற்றிய உண்மையை வெளிப்படுத்த வேண்டிய நேரம் இது என்று நினைக்கிறேன். இதில் பாதி உண்மை உள்ளது. நான் இப்போது நியூயார்க்கில் இருக்கிறேன். இது எனது உறவினர்களுடன் நான் வழக்கமாக வரும் இடம். வருடத்திற்கு ஒருமுறை இங்கு என்னுடைய உறவினர்களுடன் வருவதை வழக்கமாக வைத்துள்ளேன்.

இந்த வீடியோவில் பாதி உண்மை இல்லை. என்னுடைய உறவினர்கள் குறும்புத்தனம், செய்வதற்காக கிறிஸ்துமஸ் தினத்தில் விளையாட முடிவுசெய்து, இந்த வீடியோவை எடுத்தனர். இந்த வீடியோ பற்றி பலர் துப்பறியும் பணிகளை மேற்கொண்டு வருகிறார்கள். ஆனால் இது விளையாட்டாக எடுக்கப்பட்ட வீடியோ என்று இந்த வைரல் வீடியோவுக்கு முற்றுப்புள்ளி வைத்துள்ளார்.