“என் வாழ்க்கையில் நடந்த மிகவும் வேதனையான விஷயம்..” விவாகரத்து குறித்து முதன்முறையாக பேசிய நாகார்ஜுனா..

நாகார்ஜுனா தனது வாழ்க்கையில் நடந்த மிகவும் வேதனையான சம்பவம் குறித்து ஒரு பேட்டியில் முதல் முறையாக மனம் திறந்து பேசினார்.

Nagarjuna Akkineni

டோலிவுட்டின் எவர்கிரீன் ஹீரோ என்றால் அது கிங் நாகார்ஜுனா தான்.  நாகார்ஜுனா தான் பணக்கார தெலுங்கு ஹீரோ என்று கூறப்படுகிறது. திரைப்படங்களைத் தவிர, பல்வேறு தொழில்களையும் நாகார்ஜுனா செய்து வருகிறார். மேலும் பிக்பாஸ் நிகழ்ச்சியை நாகார்ஜுனா தொகுத்து வழங்கி வருகிறார்.

ஆனால் நாகார்ஜுனா தனது தனிப்பட்ட வாழ்க்கையிலும் பல ஏற்ற தாழ்வுகளை சந்தித்தார். நாகார்ஜுனா முதலில் நடிகர் வெங்கடேஷின் சகோதரி டகுபதி லட்சுமியை திருமணம் செய்து கொண்டார். இவர்களுக்கு பிறந்தவர் நாக சைதன்யா.

தனிப்பட்ட கருத்து வேறுபாடு காரணமாக இருவரும் பிரிந்தனர். அவர்கள் 1984 இல் திருமணம் செய்து கொண்ட இந்த தம்பதி 1990-ம் ஆண்டு விவாகரத்து செய்தனர். லட்சுமியிடமிருந்து பிரிந்த பிறகு, நாகார்ஜுனா 1991 இல் நடிகை அமலாவை மணந்தார்.

Nagarjuna Akkineni Naga Chaitanya

ஆனால் நாகார்ஜுனா தனது வாழ்க்கையில் நடந்த மிகவும் வேதனையான சம்பவம் குறித்து ஒரு பேட்டியில் முதல் முறையாக மனம் திறந்து பேசினார். அப்போது பேசிய அவர் “ என் விவாகரத்துக்குப் பிறகு நாக சைதன்யாவை அவர்களின் அம்மாவுடன் அனுப்ப வேண்டியிருந்தது. நான் மிகவும் வேதனையை அனுபவித்த தருணங்கள் அவை.

ஆனால் அந்த நேரத்தில் அவர் அவர்களின் தாயுடன் வளர வேண்டியிருந்தது, எனவே அவரை அனுப்ப வேண்டியிருந்தது. ஆனால் அவ்வப்போது வந்து செல்வது வழக்கம். அது கொஞ்சம் சந்தோஷம்தான். சிறுவயதில் நாக சைதன்யா என்னுடன் முழுமையாக இல்லை என்ற வேதனையை இன்றும் உணர்கிறேன்” என்று தெரிவித்தார். நாகார்ஜுனாவின் இந்த கருத்து சமூக வலைதளங்களில் வைரலாகி வருகிறது.

நாக சைதன்யா தற்போது தண்டல்  படத்தில் பிஸியாக இருக்கிறார். மனம் படத்தில் நாகார்ஜுனாவும் நாக சைதன்யாவும் இணைந்து நடித்தனர். அந்த படம் கிளாசிக் ஹிட் ஆனது என்பது குறிப்பிடத்தக்கது.