ஒரு பத்திரிகையே ரூ.5000... மகளின் கல்யாணத்தை பிரமாண்டமாக நடத்தப்போகும் அர்ஜுன்! திருமணம் எங்கு? எப்போது!

நடிகர் அர்ஜுன் மகள் ஐஸ்வர்யா மற்றும் தம்பி ராமைய்யா மகன் உமாபதி திருமணம் எங்கு எப்போது நடைபெற உள்ளது என்பது குறித்த விவரங்கள் தற்போது வெளியாகி உள்ளது. 

Aishwarya Arjun Sarja Umapathy Ramaiah

ஆக்‌ஷன் கிங் அர்ஜுனின்  மூத்த மகள் ஐஸ்வர்யா அர்ஜுனும், பிரபல காமெடி நடிகர் தம்பி ராமைய்யாவின் மகன் உமாபதியும் கடந்த இரண்டு வருடமாக காதலித்து வரும் நிலையில், இவர்களின் காதலுக்கு அர்ஜுன் மற்றும் தம்பி ராமைய்யா குடும்பத்தினர் பச்சை கொடி காட்டிய நிலையில், கடந்த ஆண்டு அக்டோபர் மாதம் இருவருக்கும் அர்ஜுன் கட்டியுள்ள ஆஞ்சநேயர் கோவிலில் மிகவும் எளிமையான முறையில் நிச்சயதார்த்தம் நடந்து முடிந்தது.

இவர்கள் இருவருக்கும் ஜூன் மாதம் திருமணம் நடத்த இருவீட்டு தரப்பினரும் முடிவு செய்துள்ள நிலையில், திருமண அழைப்பிதழை பிரபலங்களை நேரில் சந்தித்து வழங்க அர்ஜுன் மற்றும் தம்பி ராமைய்யா முடிவு செய்து அழைப்பிதழை வழங்கி வருகிறார்கள்.

நிச்சயதார்த்தத்தில் குடும்பத்தினர் மற்றும் ஒரு சில பிரபலங்கள் மட்டுமே கலந்து கொண்ட நிலையில்.. திருமணத்திற்கான ஏற்பாடு மிக பிரமாண்டமாக நடந்து வருகிறது. திமுக தலைவர் ஸ்டாலினுக்கு தன்னுடைய முதல் அழைப்பை சம்மந்தி தம்பி ராமைய்யாவுடன் சென்று வைத்த அர்ஜுன், திருமணத்தை தன்னுடைய பண்ணை தோட்டத்திலேயே நடத்த முடிவு செய்துள்ளாராம்.

அதாவதும் வரும்  ஜூன் 10ம் தேதி கெருகம்பாக்கத்தில் பல ஏக்கர் பரப்பளவில் அர்ஜுன் வாங்கி வைத்திருக்கும் தோட்டத்தில் தான் ஐஸ்வர்யா அர்ஜுன் மற்றும் உமாபதி திருமணம் பிரம்மாண்டமாக நடைபெறவுள்ளதாக கூறப்படுகிறது. மேலும் திருமண பத்திரிகையை பாக்ஸ் போன்று பிரத்தேயகமாக டிசைன் செய்துள்ளனர். ஒரு பத்திரிகையின் விலை சுமார் 5 ஆயிரம் இருக்கும் என கூறப்படுகிறது.

ஐஸ்வர்யா - உமாபதி திருமணத்திற்கு ரஜினிகாந்த், கமல்ஹாசன், விஜய், அஜித், சூர்யா போன்ற பல கோலிவுட் நட்சத்திரங்கள் மற்றும் பிற மொழி நட்சத்திரங்கள் பலருக்கும் அர்ஜுன் தொடர்ந்து அழைப்பு விடுத்து வருகிறார். 

திருமண நிச்சயதார்த்தத்திற்க்கே, தங்க தட்டில் விருந்து, விசேஷ சிறப்பு பரிசுகள், மகளுக்கும் - மண மகனுக்கும் விசேஷமாக டிசைன் செய்யப்பட்ட உடை, கோடி கணக்கில் மதிப்பு கொண்டு 5 கேரட் மாணிக்க கல் பதித்த மோதிரம் என அனைத்தையும் பார்த்து பார்த்து செய்த , நடிகர் அர்ஜுன் அதை விட திருமணத்தை பிரமாண்டமாக நடந்த முடிவு செய்துள்ளது குறிப்பிடத்தக்கது.