Aavin Milk: சொன்னா நம்ப மாட்டீங்க.. தள்ளுபடி விலையில் ஆவின் பால்.. வெளியான மாஸ் அறிவிப்பு!

ஆவின் நிறுவனம் அதிக நாட்கள் பயன்படுத்தும் வகையில் தீவிர வெப்பத்தால் சமன்படுத்தப்பட்ட (UHT) முறையில் தயார் செய்யப்பட்ட பால் (UHT TM) சிறப்பு சலுகை விலையில் விற்பனை செய்யப்பட்டு வருகிறது. 

Aavin Milk

தமிழகம் முழுவதும் 1.5 கோடிக்குமேல் நுகர்வோர்களைக் கொண்ட ஆவின் நிறுவனம், 4.5 இலட்சம் கிராமப்புற பால் உற்பத்தியாளர்களின் வாழ்வாதாரமாகத் திகழ்கிறது. நாளொன்றுக்கு 35 இலட்சம் லிட்டர் பால் கொள்முதல் செய்து 150 க்கும் மேற்பட்ட பால் உப பொருட்களை சந்தைப்படுத்திவரும் ஆவின் நிறுவனம் பொதுமக்களின் தேவைக்கு ஏற்ப, சமன்படுத்தப்பட்ட பால் (நீலம்), நிலைப்படுத்தப்பட்ட பால் (பச்சை), நிறை கொழுப்பு பால் (ஆரஞ்சு), இருமுறை சமன்படுத்தப்பட்ட பால் (மெஜந்தா), வைட்டமின் A மற்றும் வைட்டமின் D செறிவூட்டம் செய்யப்பட்ட ‘டிலைட் பால்’ (பர்ப்பிள்) போன்ற பால் வகைகளை அறிமுகப்படுத்தி நாளொன்றுக்கு சுமார் 33 இலட்சம் லிட்டர் பால் விற்பனை செய்து வருகிறது.

UHT TM Milk

மேலும் ஆவின் நிறுவனம் அதிக நாட்கள் பயன்படுத்தும் வகையில் UHT முறையில் தயார் செய்யப்பட்ட சமன்படுத்தப்பட்ட பால் (UHT TM Milk) 450ml மற்றும் 150ml அளவுகளில் பின்வரும் சிறப்பு சலுகை விலையில் விற்பனை செய்யப்பட்டு வருகிறது.

Aavin UHT TM Milk

UHT TM Milk இன் முக்கிய அம்சங்கள் :-

* இப்பாலினை 90 நாட்கள் வரை எவ்வித குளிர்சாதன வசதியின்றி வைத்து பயன்படுத்தலாம்.  எவ்வித வேதி பொருட்களும் சேர்க்கப்படாமல் நவீன தொழில்நுட்ப முறையில் பேக் செய்யப்படுவதால் தொலைதூர பயணங்களுக்கு எடுத்துச் செல்ல உகந்ததாகும். உணவகங்கள், பழச்சாறு கடைகள், விடுதிகள், சமையல் வல்லுநர்கள், தொழில் முனைவோர், மலைப்பிரதேசங்களில்  வசிப்போர் மற்றும் மீனவர்கள் இப்பாலை காய்ச்சாமல் அப்படியே உபயோகிக்க ஏற்றது. 

Aavin Milk Discount Price

எனவே பொதுமக்கள் தள்ளுபடி விலையில் விற்பனை செய்யப்படும் UHT TM Milk - 450 ml ரூ.28/-க்கும், UHT, TM Milk -150 ml ரூ.10/-க்கும் வாங்கி பயன்பெறுமாறு ஆவின் நிறுவனம் கேட்டு கொண்டுள்ளது.