அர்ச்சனாவை தூக்கி அடிக்க வைல்ட்கார்ட் எண்ட்ரியாகும் தொகுப்பாளினி... கவர்ச்சி புயலை களம் இறக்கும் விஜய் டிவி!

இந்நிலையில் அவருக்கு பதிலாக விஜய் டி.வி.யில் பகல் நிலவு சீரியலில் ஷிவானி உடன் நடித்த அஜிம் வைல்ட் கார்ட் போட்டியாளராக வர உள்ளதாக தகவல்கள் வெளியாகின. 

ஆனால் சமீபத்தில் பிக்பாஸ் போட்டியில் பங்கேற்க முடியாமல் போனது குறித்து விளக்கம் அளித்த அஜிம், தனது அம்மாவிற்கு திடீரென கால்முறிவு ஏற்பட்ட காரணத்தால் போட்டியில் பங்கேற்க முடியவில்லை என தெரிவித்திருந்தார். 

தற்போதைய நிலவரப்படி பிக்பாஸ் வீட்டிற்குள் 13 போட்டியாளர்கள் உள்ளனர். நிகழ்ச்சி முடியவும் இன்னும் 40 நாட்கள் மட்டுமே உள்ளன. அதனால் வைல்ட் கார்ட் எண்ட்ரிக்கு வாய்ப்பு இருக்குமா? என ரசிகர்கள் பலரும் கேள்வி எழுப்பி வந்தனர். 

சமீபகாலமாக ஓட்டல் அறைக்குள் இருப்பது போன்ற புகைப்படங்களை பதிவிட்டு வரும் தொகுப்பாளினி மகேஸ்வரி சூசகமாக தான் பிக்பாஸ் நிகழ்ச்சியில் பங்கேற்க உள்ளதை தெரிவித்துள்ளார். 

அதாவது, இன்னும் ஒருசில தினங்களில் ஒரு ஆச்சரியமான அறிவிப்பு வெளிவரும் என்று அவர் குறிப்பிட்டுள்ள விஜே மகேஸ்வரி ஓட்டலில் தனிமைப் படுத்திக் கொண்டிருப்பது போன்ற புகைப்படத்தையும் பதிவிட்டுள்ளார். 

இந்த வாரம் பிக்பாஸ் வீட்டிலிருந்து ஒருவர் வெளியேற உள்ள நிலையில், உடனடியாக மகேஸ்வரி பிக்பாஸ் வீட்டிற்குள் அடியெடுத்து வைப்பார் என ரசிகர்கள் ஆவலுடன் காத்திருக்கின்றனர். அர்ச்சனாவுக்கு சரியான போட்டியாக விஜே மகேஸ்வரியை விஜய் டிவி களம் இறக்குவதாகவும் ரசிகர்கள் கருத்து தெரிவித்து வருகின்றனர்.