சின்னத்திரை நிகழ்ச்சியில் கலந்து கொள்ள நடிகை கரீனா கபூருக்கு இத்தனை லட்சம் சம்பளமா?

சமீப காலமாக, வெள்ளித்திரை பிரபலங்கள் பலர் சின்னத்திரை நிகழ்ச்சியில் கலந்து கொள்ள ஆர்வம் காட்டி வருகிறார்கள். அந்த வகையில் பிரபல தனியார் தொலைக்காட்சியின், நடன நிகழ்ச்சி ஒன்றில் பாலிவுட் நடிகை கரீனா கலந்து கொள்ள ஒரு நாளைக்கு மட்டும் 50 லட்சம் சம்பளமாக பெற உள்ளதாக கூறப்படுகிறது.

இந்தி தொலைக்காட்சியில் மிகவும் பிரபலமான டான்ஸ் நிகழ்ச்சி "டான்ஸ் இந்தியா டான்ஸ்". இந்த நிகழ்ச்சியின் 7 ஆவது சீசன், விரைவில் ஆரம்பமாக உள்ளது.  இதில் நடுவராக கரீனா கலந்து கொள்ள உள்ளாராம். ஒரு மணிநேரம் ஒளிபரப்பாகும் இந்த நிகழ்ச்சியின் ஒரு எபிசோடுக்கு, 10 லட்சம் சம்பளமாக அவருக்கு பேசப்பட்டுள்ளதாம். 

அந்த வகையில் பார்த்தால், ஒரு நாளைக்கு 5 நிகழ்ச்சிகளின் எபிசோடு எடுக்கப்படுகிறது. அதனால் கரீனா சின்னத்திரை நிகழ்ச்சியில் கலந்து கொள்ள ஒரு நாளைக்கு மட்டும் 50 லட்சம் சம்பளமாக பெற உள்ளார் என்கிற தகவல் வெளியாகியுள்ளது.

மேலும் ஏற்கனவே தமிழில் நடிகர் விஜய் சேதுபதி, விஷால், வரலட்சுமி சரத்குமார், ஸ்ருதிஹாசன், கமல்ஹாசன் போன்ற பிரபலங்கள் சின்னத்திரை நிகழ்ச்சியிலும் கவனம் செலுத்தி வருகிறார்கள் என்பது குறிப்பிடத்தக்கது. 

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• kareena kapore
• tamil cinema
• kollywood
• salary
• dance india dance