பிறந்தநாளில் ரசிகர்களுக்கு ட்ரீட் கொடுக்கும் அனுஷ்கா! அந்த ட்ரீட் என்னன்னா.....
பிறந்தநாளில் ரசிகர்களுக்கு அனுஷ்கா செமயா ஒரு ட்ரீட் கொடுக்க உள்ளார்.
'பாகமதி' படத்திற்குப்பின் அனுஷ்கா நடித்துவரும் படம் 'நிசப்தம்'. தமிழ், தெலுங்கு, மலையாளம், ஹிந்தி மற்றும் ஆங்கிலம் என 5 மொழிகளில் தயாராகும் இந்தப் படத்தில், அனுஷ்காவுக்கு ஜோடியாக நடிகர் மாதவன் நடித்துள்ளார்.
அஞ்சலி, ஷாலினி பாண்டே என மேலும் இரு ஹீரோயின்களும் முக்கிய கதாபாத்தில் நடிக்கின்றனர்.
ஹேமந்த் மதுக்கர் இயக்கும் இந்தப் படத்துக்கு, கோபிசுந்தர் இசையமைக்கிறார். திரில்லர் ஜானரில் உருவாகும் 'நிசப்தம்' படத்தில், சாக்ஷி என்ற கேரக்டரில் வாய்பேச முடியாத ஓவியராக நடித்துள்ளார்.
அந்தோணி என்ற கேரக்டரில் பார்வையற்ற இசைக்கலைஞராக மாதவன் நடித்துள்ளார். ஏற்கெனவே இந்தப் படத்தின் ஃபர்ஸ்ட் லுக் வெளியாகி வரவேற்பை பெற்ற நிலையில், டீசர் ரிலீஸ் குறித்த முக்கிய அறிவிப்பை படக்குழு வெளியிட்டுள்ளது.
அதில், நிசப்தம் டீசர் வரும் நவம்பர் 7ம் தேதி வெளியிடப்படும் என அறிவிக்கப்பட்டுள்ளது. அத்துடன், ஒரு ப்ரீ டீசரையும் வெளியிட்டுள்ளது. அன்றைய தினம் அனுஷ்காவின் பிறந்தநாள் என்பதால், ரசிகர்களுக்கு அளிக்கும் ட்ரீட்டாக 'நிசப்தம்' டீசர் இருக்கும் என படக்குழு தெரிவித்துள்ளது.