பள்ளி, கல்லூரிகளுக்கு விடுமுறை

திருச்சி மாவட்டம் ஸ்ரீரங்கம் திருக்கோயிலில் ஒவ்வொரு ஆண்டும் வைகுண்ட ஏகாதசி பெருவிழா வெகு விமர்சியாக நடைபெறுவது வழக்கம்.

அந்த வகையில் இந்த ஆண்டு டிசம்பர் 30-ம் தேதி தொடங்கி நடைபெறுகிறது. விழாவின் முக்கிய நிகழ்ச்சியான சொர்க்கவாசல் திறப்பு ஜனவரி 10ம் தேதி நடைபெறுகிறது. 

இதையொட்டி, திருச்சி மாவட்டத்துக்கு ஜனவரி 10-ம் தேதி உள்ளூர் விடுமுறை அறிவிக்கப்படுகிறது. 

அன்றைய தினம் திருச்சி மாவட்டத்தில் உள்ள அனைத்து அரசு அலுவலகங்கள், கல்வி நிறுவனங்களுக்கும் பொருந்தும். எனினும், பள்ளி, கல்லூரிகளில் தேர்வு நடைபெறுவதில் இந்த விடுமுறை பொருந்தாது. 

அனைத்து துணை கருவூலங்கள், மாவட்ட கருவூலம் ஆகியவை குறைந்த எண்ணிக்கையிலான ஊழியர்களை கொண்டு வழக்கம்போல இயங்கும். 

இந்த விடுமுறையை ஈடு செய்யும் விதமாக ஜனவரி 25-ம் தேதி சனிக்கிழமை வேலை நாள் என திருச்சி மாவட்ட ஆட்சியர் பிரதீப்குமார் தெரிவித்துள்ளார்.