Nov 8, 2023, 1:06 AM IST
தீபாவளியை முன்னிட்டு மயிலாடுதுறையில் விதவிதமான இனிப்பு வகைகள் செய்யும் பணி நடைபெற்று வருகின்றது. அதன்படி தனியார் பேக்கரி ஒன்றின் சார்பில் இனிப்புகள் கண்காட்சி துவங்கியது. உளுந்து, பயிறு, திணை, சாமை, கடலை உள்ளிட்ட பொருட்களால் செய்யப்பட்ட இனிப்பு உருண்டைகள், துருக்கி நாட்டில் செய்யப்படும் இனிப்பு வகைகள், வட மாநில பெங்காலி வகை உணவு பொருட்கள் இனிப்பு வகைகள் என 500க்கும் மேற்பட்ட வகையான பலகாரங்கள் இந்த கண்காட்சியில் இடம்பெற்றுள்ளன.
மேலும் தீபாவளியை வரவேற்கும் விதமாக அணுகுண்டு வெடி போல் முப்பது கிலோவில் செய்யப்பட்ட கேக், 10 கிலோவில் செய்யப்பட்ட சங்கு சக்கரம், எட்டடி உயரத்தில் செய்யப்பட்டுள்ள ராட்சச ராக்கெட் வெடி கேக், முற்றிலும் பூந்தியைக் கொண்டு 50 கிலோவில் செய்யப்பட்டுள்ள ராட்சத புஸ்வானம் கேக் காட்சிப்படுத்தப்பட்டுள்ளது. இந்த கண்காட்சியை பார்வையாளர்கள் ஆர்வத்துடன் கண்டு ரசித்தனர்.