சென்னையில் ‘கொரோனா’ கோரத்தாண்டவம்.. சோழிங்கநல்லூர், மணலி, பெருங்குடி.. தொடரும் பாதிப்புகள்..

சென்னையில் மட்டும் 7,520 பேருக்கு புதிதாக கொரோனா பாதிப்பு ஏற்பட்டுள்ளது என்றும்,அதில் சோழிங்கநல்லூர், மணலி, பெருங்குடி பகுதிகளில் அதிக பாதிப்புகள் உள்ளது என்றும் தகவல் வெளியாகி இருக்கிறது.

தமிழகத்தில் சென்னை, கோவை, செங்கல்பட்டு உள்ளிட்ட 6 மாவட்டங்களில் நேற்று ஆயிரத்துக்கும் அதிகமானோருக்கு கொரோனா தொற்று உறுதி செய்யப்பட்டுள்ளது.  இந்த நிலையில்,  நேற்றைய கொரோனா பாதிப்பு குறித்து மருத்துவம் மற்றும் மக்கள் நல்வாழ்வுத்துறை வெளியிட்டுள்ள செய்திக்குறிப்பில், ‘தமிழகத்தில் நேற்று புதிதாக 1 லட்சத்து 47 ஆயிரத்து 54 பேருக்கு கொரோனா பரிசோதனை செய்யப்பட்டது. இதில் 16 ஆயிரத்து 884 ஆண்கள், 12 ஆயிரத்து 986 பெண்கள் என மொத்தம் 29 ஆயிரத்து 870 பேருக்கு புதிதாக கொரோனா உறுதி செய்யப்பட்டுள்ளது.

இதில் அதிகபட்சமாக சென்னையில் 7 ஆயிரத்து 38 பேரும், கோவையில் 3 ஆயிரத்து 653 பேரும், செங்கல்பட்டில் 2 ஆயிரத்து 250 பேரும் பாதிக்கப்பட்டுள்ளனர். குறைந்தபட்சமாக சிவகங்கையில் 127 பேரும், பெரம்பலூரில் 128 பேரும் பாதிக்கப்பட்டுள்ளனர். தமிழகத்தில் நேற்று வெளிநாட்டில் இருந்து வந்த ஒருவருக்கும், வெளிமாநிலங்களில் இருந்து வந்த 21 பேர் உள்பட 12 வயதுக்குட்பட்ட ஆயிரத்து 75 குழந்தைகளுக்கும், 60 வயதுக்கு மேற்பட்ட முதியவர்கள் 4 ஆயிரத்து 247 பேருக்கும் தொற்று உறுதி செய்யப்பட்டுள்ளது.

சென்னை மாநகராட்சியின் கூடுதல் நகர சுகாதார அதிகாரி டாக்டர். எஸ் மகாலட்சுமி பேசிய போது, ‘ அனைத்து நடவடிக்கைகளையும் தீவிரப்படுத்தியுள்ளோம். மொத்தம் 200 குழுக்கள் பதினைந்து மண்டலங்களில் கொரோனா தடுப்பு நடவடிக்கையில் ஈடுபட்டுள்ளன. அவர்கள் லேசான, மிதமான மற்றும் கடுமையான பாதிப்புகளை கண்டறிந்து, தேவையான வழிகாட்டுதலை வழங்குகிறார்கள். கொரோனா தன்னார்வத் தொண்டர்கள் வீட்டுத் தனிமைப்படுத்தலில் உள்ள மக்களுக்கும், மற்ற தடைசெய்யப்பட்ட பகுதிகளில் உள்ளவர்களுக்கும் உதவுவதில் தங்கள் பங்கைச் செய்து வருகின்றனர். பாசிட்டிவ் நோயாளிகளுக்கு, பல்ஸ் ஆக்சிமீட்டர்கள் வழங்கப்படுகின்றன.

அவர்கள் ஒரு நாளைக்கு மூன்று முறை தங்கள் மதிப்புகளை பதிவு செய்ய அறிவுறுத்தப்படுகிறார்கள். அவர்களின் ஆக்ஸிஜன் செறிவூட்டல் அளவு 92 க்கும் குறைவாக இருந்தால், உடனடியாக எங்களுக்குத் தெரிவிக்கும்படி கேட்டுக் கொள்ளப்படுகிறார்கள், நாங்கள் அவர்களை மேல் சிகிச்சைக்கு அழைத்துச் செல்வோம். தேவைப்படுபவர்களுக்கு உதவ, அனைத்து மண்டலங்களிலும் டெலி-அழைப்பு வசதியும் உள்ளது.

சென்னையில் ஜனவரி 17 அன்று, மொத்தம் 8,591 பாதிப்புகள் பதிவு செய்யப்பட்டு நிலையில், ஜனவரி 18 அன்று 8,305 ஆகவும், ஜனவரி 19 அன்று 8,007 ஆகவும், ஜனவரி 20 இல் 7,520 ஆகவும் குறைக்கப்பட்டது. சென்னையில் மொத்தம் 6,76,147 பேர் கொரோனா தொற்றால் பாதிக்கப்பட்டுள்ளனர். டிசம்பர் 20 அன்று 8,011 பேர் தொற்றிலிருந்து குணமடைந்தனர். தற்போது 62,007 பாதிப்புகள் செயலில் உள்ளன. வியாழக்கிழமை, நகரத்தில் 14 இறப்புகள் பதிவாகியுள்ளது, இது அனைத்து மாவட்டங்களிலும் அதிகமாக உள்ளது. 

கிரேட்டர் சென்னை கார்ப்பரேஷன் பகிர்ந்துள்ள தரவுகளின்படி, நகரத்தில் உள்ள பதினைந்து மண்டலங்களில், ஜனவரி 20 நிலவரப்படி,சோழிங்கநல்லூர் பகுதியில் அதிக பாதிப்புகள் (13.8 சதவீதம்) செயலில் உள்ளது. அதைத் தொடர்ந்து மணலி, 13.7 சதவீதமும், பெருங்குடி 12.9 சதவீதமும் உள்ளது. வியாழக்கிழமை, மொத்தம் 4,646 பேருக்கு கொரோனா தடுப்பூசியின் முதல் டோஸ் வழங்கப்பட்டது, 5,296 பேருக்கு இரண்டாவது டோஸ் வழங்கப்பட்டது. 20,072 பேருக்கு பூஸ்டர் டோஸ் கொடுக்கப்பட்டுள்ளது’ என்று கூறினார்.