G20 Summit 2023: இந்தியாவில் நடக்கும் ஜி20 உச்சி மாநாடும் குளோபல் சவுத் நாடுகளின் சக்தியும்
By SG Balan | First Published Sep 5, 2023, 5:31 PM ISTதெற்குலக நாடுகளின் முக்கியத்துவம் அதிகரித்துள்ளது. இது வடக்குலக நாடுகளின் ஆதிக்கத்திற்கு எதிராக, அதிகாரமும் செல்வாக்கும் பரவலாக்கப்படுவதற்கான அர்ப்பணிப்பைக் காட்டுகிறது.
தெற்கு உலக நாடுகள், அதன் கணிசமான மக்கள்தொகை மற்றும் அதிகரித்து வரும் பொருளாதார சக்தியுடன், மேற்கத்திய நாடுகளுக்கு சவால் செய்யும் திறனைக் கொண்டுள்ளது. 1991 இல் சோவியத் யூனியன் உடைந்த பின்பு 2000 களின் பிற்பகுதியில் பிரேசில், ரஷ்யா, இந்தியா, சீனா மற்றும் தென்னாப்பிரிக்கா ஆகிய நாடுகளுடன் பிரிக்ஸ் அமைப்பு உருவானது. அது தெற்குலக நாடுகளின் முக்கியத்துவம் பற்றிய உலகளாவிய விவாதங்களைத் தூண்டியது.
இருந்தாலும், உக்ரைன் ரஷ்யா போர் போன்ற சமீபத்திய நிகழ்வுகளால், தெற்குலக நாடுகளின் முக்கியத்துவம் அதிகரித்துள்ளது. இந்த நாடுகள் ரஷ்யாவுடனான தங்கள் பொருளாதார உறவுகளைத் துண்டிக்க அல்லது பொருளாதாரத் தடைகளை விதிக்க தயக்கம் காட்டுகின்றன. இது உலகளாவிய விவகாரங்களில் அந்த நாடுகளின் தன்னாட்சி நிலையைக் காட்டுவதாக உள்ளது.
Latest Videos
undefined
புரிந்துகொள்வது எப்படி?
தெற்குலக நாடுகள் (Global South) என்ற சொல் வடக்குலக நாடுகளுக்கும் வளர்ந்துவரும் தெற்குலக நாடுகளுக்கும் இடையிலான பொருளாதார ஏற்றத்தாழ்வுகளை வலியுறுத்துகிறது. 1969ஆம் ஆண்டில், கார்ல் ஓக்லெஸ்பி வியட்நாம் போரை விவரிக்க 'தெற்குலக நாடுகள்' என்ற வார்த்தையை உருவாக்கினார. வடக்குலகில் உள்ள நாடுகளால் தெற்குலக நாடுகள் பல நூற்றாண்டுகளாக சுரண்டப்பட்டதை விவரிக்கிறார். குழந்தை இறப்பு விகிதம் உயர்வு, மக்களின் ஆயுட்காலம் குறைவு, தரமான கல்வி பெற தடைகள் ஆகியவற்றைக் குறிப்பிடுகிறார்.
வறுமை ஒரு நிலையான தடையாக உள்ளது. இதன் விளைவாக வளர்ச்சிக்கான வாய்ப்புகளைப் பெறுவதில் சிக்கல் ஏற்படுகிறது. தெற்குலக நாடுகள், பெரும்பாலும் செல்வந்த நாடுகளால் ஏற்படும் கழிவுகளை கையாளுவது, மாசுபாட்டைக் கட்டுப்படுத்துவது போன்ற சுற்றுச்சூழல் பிரச்சினைகளை எதிர்கொள்கின்றன.
குளோபல் சவுத் மேப்:
குளோபல் சவுத் அல்லது தெற்குலக நாடுகள் என்பது மெக்ஸிகோ, கரீபியன், தென் அமெரிக்கா, ஆப்பிரிக்கா, மத்திய கிழக்கு மற்றும் ஆசியாவின் பகுதிகளை உள்ளடக்கிய ஒரு விரிவான புவியியல் பகுதியை உள்ளடக்கியது. இது உலக மக்கள்தொகையில் 85 சதவீதத்திற்கும் அதிகமாக இருந்தாலும், உலகளாவிய மொத்த உள்நாட்டு உற்பத்தியில் அதன் பங்களிப்பு தோராயமாக 40 சதவீதம் ஆகும்.
சீனா, துருக்கி போன்ற நாடுகள், பொருளாதார ரீதியாக பலம் பெற்றிருந்தாலும், தங்களை தெற்குலக நாடுகளில் ஒன்றாகவே கருதுகின்றன. காலனித்துவ வரலாற்றில் இருந்து விடுபட்டு, அரசியல் மற்றும் பொருளாதாரத்தில் இணைந்து செயல்படுவதன் அடிப்படையில் புதிய உறவுகளை உருவாக்க அவர்கள் இதைச் செய்கிறார்கள்.
ஜி20 உச்சிமாநாட்டில்:
ஜனவரி 2023 இல், இந்தியா முதல் முறையாக உலகளாவிய தெற்கு உச்சிமாநாட்டை ஏற்பாடு செய்தது, வளரும் நாடுகளுக்கு அவர்களின் பொதுவான பிரச்சினைகள் மற்றும் முன்னுரிமைகள் பற்றி விவாதிக்க ஒரு தளத்தை வழங்குகிறது. 125 நாடுகளைச் சேர்ந்த பிரதிநிதிகளின் ஈடுபாட்டுடன், வளரும் நாடுகளைச் சேர்ந்த தலைவர்கள் மற்றும் அமைச்சர்களின் மிகப்பெரிய டிஜிட்டல் மாநாட்டாக இந்த ஆன்லைன் ஒன்றுகூடல் ஆனது.
1961ல் அணிசேரா இயக்கம் செய்தது போல், குளோபல் சவுத் உச்சிமாநாட்டின் குரல் தெற்குலகில் உள்ள நாடுகளை ஒன்றிணைக்க விரும்புகிறது. இந்த முயற்சி தெற்குலக நாடுகளை ஒன்றிணைத்து, பல நாடுகளிடையே அதிகாரம் பகிரப்படும் உலகத்தை மேம்படுத்துவதை நோக்கமாகக் கொண்டுள்ளது.
தெற்குலக நாடுகளின் எதிர்காலம்:
ரஷ்யாவுடன் உள்ளிட்ட தெற்குலக நாடுகளை (பிரேசில், சீனா, இந்தியா மற்றும் தென்னாப்பிரிக்கா) உள்ளடக்கிய பிரிக்ஸ் குழுவின் தோற்றம், உலகளாவிய வடக்கிற்கும் உலகளாவிய தெற்கிற்கும் இடையிலான சமூக-பொருளாதார ஏற்றத்தாழ்வுகளைச் சமாளிப்பதற்கான நம்பிக்கையை வழங்குகிறது. இது தெற்குலக நாடுகளில் அதிக வளர்ச்சி மற்றும் சுயாட்சிக்கு வழிவகுக்கும்.
ஆயினும்கூட, மேற்கத்திய நாடுகள் தங்கள் முன்னாள் காலனிகளை எளிதில் விட்டுக்கொடுக்க தயாராக இல்லை. வளரும் நாடுகளில் சக்திக்கான மாற்று ஆதாரங்கள் அதிக முக்கியத்துவம் பெறுவதால், மேற்கத்திய நாடுகள் தங்கள் செல்வாக்கைக் கட்டுப்படுத்த பல்வேறு முறைகளைப் பயன்படுத்தலாம்.
காலநிலை மாற்றம் தெற்குலக நாடுகளுக்கு ஒரு பெரிய பிரச்சனையை முன்வைக்கிறது. பருவமழை குறைவு, திடீர் வெள்ளம், விவசாயப் பாதிப்பு போன்ற கடுமையான விளைவுகளை இந்த நாடுகள் எதிர்கொள்கின்றன. இந்த விளைவுகள் தற்போதுள்ள சமூக மற்றும் பொருளாதார இடைவெளிகளை மோசமாக்குகிறது. இந்தச் சூழல் தெற்குலக நாடுகள் அடைந்துவரும் முன்னேற்றங்களைப் பாதிக்கின்றன.
ரஷ்யாவின் பங்கு:
ரஷ்யா வளரும் நாடுகளுடன் தீவிரமாக ஒத்துழைத்து வருகிறது. தெற்குலக நாடுகளின் முன்னேற்றம் மற்றும் ஸ்திரத்தன்மையை ஆதரிக்கும் பொருளாதார உறவுகளை மேற்கொள்கிறது. தெற்குலக நாடுகளுடன் ரஷ்யாவின் ஈடுபாடு, வடக்குலக நாடுகளின் ஆதிக்கத்திற்கு எதிராக, அதிகாரமும் செல்வாக்கும் பரவலாக்கப்படுவதற்கான அர்ப்பணிப்பைக் காட்டுகிறது.
சேனலை கிளிக் செய்து பின்தொடரவும்