oscar 2024 Live Updates : முதன்முறையாக ஆஸ்கர் விருது வென்றார் கிறிஸ்டோபர் நோலன்

இயக்குனர் கிறிஸ்டோபர் நோலன் இயக்கத்தில் கடந்தாண்டு வெளிவந்த ஓப்பன்ஹெய்மர் திரைப்படத்திற்கு ஆஸ்கர் விழாவில் 7 விருதுகள் கிடைத்துள்ளன.

ஓப்பன் ஹெய்மர் படத்தை இயக்கிய கிறிஸ்டோபர் நோலன், முதன்முறையாக ஆஸ்கர் விருது வென்று வரலாறு படைத்திருக்கிறார்.

சிறந்த இயக்குனருக்கான ஆஸ்கர் விருது கிறிஸ்டோபர் நோலனுக்கு வழங்கப்பட்டது. ஓப்பன் ஹெய்மர் படத்தை இயக்கியதற்காக அவருக்கு இவ்விருது கிடைத்துள்ளது.

கிறிஸ்டோபர் நோலன் இயக்கிய ஓப்பன் ஹெய்மர் திரைப்படத்தில் ஹீரோவாக நடித்த சிலியன் முர்ஃபிக்கு சிறந்த நடிகருக்கான ஆஸ்கர் விருது கிடைத்துள்ளது.

பார்பி படத்தில் இடம்பெற்ற What Was I Made For? என்கிற பாடலுக்கு சிறந்த ஒரிஜினல் பாடலுக்கான ஆஸ்கர் விருது கிடைத்துள்ளது.
 

சிறந்த ஒரினினல் ஸ்கோர் இசைக்கான ஆஸ்கர் விருதை லுட்விக் கொரான்சன் வென்றிருக்கிறார். ஓப்பன் ஹெய்மர் படத்திற்காக அவருக்கு இவ்விருது வழங்கப்பட்டது.

சிறந்த லைவ் ஆக்‌ஷன் குறும்படத்துக்கான ஆஸ்கர் விருதை The Wonderful Story of Henry Sugar என்கிற குறும்படம் வென்றிருக்கிறது.

சிறந்த ஒளிப்பதிவாளருக்கான ஆஸ்கர் விருதை ஹொய்டி வேன் ஹொய்டிமா வென்றுள்ளார், ஓப்பன் ஹெய்மர் படத்திற்காக அவருக்கு இவ்விருது வழங்கப்பட்டது.

சிறந்த ஆவணப்படத்திற்கான ஆஸ்கர் விருதை 20 Days in Mariupol வென்றுள்ளது. செர்னோவ், மிச்லே மிஸ்னர், ரேனே அரான்சன் ஆகியோர் இவ்விருதை பெற்றுக்கொண்டனர்.

சிறந்த ஆவண குறும்படத்திற்கான ஆஸ்கர் விருது The Last Repair Shop என்கிற குறும்படத்திற்கு கிடைத்துள்ளது

சிறந்த படத்தொகுப்பாளருக்கான ஆஸ்கர் விருதை ஜெனிஃபர் லேம் வென்றுள்ளார். ஓப்பன் ஹெய்மர் படத்திற்காக அவருக்கு இவ்விருது வழங்கப்பட்டது.

சிறந்த துணை நடிகருக்கான ஆஸ்கர் விருதை ராபர்ட் டவுனி ஜூனியர் வென்றுள்ளார். ஓப்பன் ஹெய்மர் படத்திற்காக அவருக்கு இவ்விருது வழங்கப்பட்டு உள்ளது.

சிறந்த சர்வதேச திரைப்படத்திற்கான ஆஸ்கர் விருதை The Zone of Interest என்கிற பிரிட்டன் படத்திற்கு கிடைத்துள்ளது. அப்படத்தின் இயக்குனர் ஜோனாதன் கிலாசர் அவ்விருதை பெற்றுக்கொண்டார்.

சிறந்த ஆடை வடிவமைப்புக்கான ஆஸ்கர் விருதும் புவர் திங்ஸ் திரைப்படத்துக்கு தான் கிடைத்துள்ளது. அப்படத்திற்கு ஆடை வடிவமைப்பு செய்த ஹோலி வேடின்சன் அவ்விருதை பெற்றுக்கொண்டார்.

சிறந்த தயாரிப்பு வடிவமைப்பாளருக்கான ஆஸ்கர் விருதை ஜேம்ஸ் பிரைஸ் மற்றும் சோனா ஹீத் ஆகியோர் பெற்றுக்கொண்டனர். புவர் திங்ஸ் திரைப்படத்திற்காக அவர்களுக்கு இவ்விருது வழங்கப்பட்டது.

சிறந்த மேக்கப் கலைஞருக்கான ஆஸ்கர் விருதை நதியா ஸ்டாசே, மார்க் கூலியர் மற்றும் ஜோஷ் வெஸ்டன் ஆகியோர் வென்றுள்ளனர். புவர் திங்ஸ் திரைப்படத்திற்காக அவர்களுக்கு இவ்விருது வழங்கப்பட்டது.

சிறந்த தழுவல் திரைக்கதைக்கான ஆஸ்கார் விருதை 'அமெரிக்கன் ஃபிக்ஷன்' திரைப்படம் வென்றுள்ளது. கார்ட் ஜெபர்சன் அவ்விருதை பெற்றுக்கொண்டார்.

சிறந்த ஒரிஜினல் திரைக்கதைக்கான ஆஸ்கர் விருதை 'அனாடமி ஆஃப் எ ஃபால்' தட்டிச் சென்றது. ஜஸ்டின் ட்ரைட் மற்றும் ஆர்தர் ஹராரி ஆகியோர் அவ்விருதை பெற்றுக்கொண்டனர்.

சிறந்த அனிமேஷன் திரைப்படத்திற்கான ஆஸ்கார் விருதை 'தி பாய் அண்ட் தி ஹெரான்' திரைப்படம் வென்றுள்ளது. ஹயாவ் மியாசாகி மற்றும் தோஷியோ சுசுகி ஆகியோர் அவ்விருதை பெற்றுக்கொண்டனர்.

சிறந்த அனிமேஷன் குறும்படத்திற்கான ஆஸ்கர் விருது ஜான் மற்றும் யோகோவின் இசையால் ஈர்க்கப்பட்டு எடுக்கப்பட்ட War Is Over குறும்படத்துக்கு வழங்கப்பட்டது

சிறந்த துணை நடிகைக்கான ஆஸ்கார் விருதை 'The Holdovers' படத்திற்காக Da'Vine Joy Randolph வென்றுள்ளார்.